H&M får no kritikk for bildene av modellen Isabeli Fontana i sin nye bikinikolleksjon. Svenske og norske hudlegar seier bilda er med på å oppfordra til usunne ideal fordi modellen ser så brun ut. Eg skal innrømma at eg tenkte "Wow. Det kan ikkje vera naturleg brunfarge" første gong eg såg bilda. Truleg er dei manipulert, men eg er dessverre av typen som også tenkte "men det såg lekkert ut! Så brun vil eg og vera i sommar!" På den måten kan det kanskje vera skadeleg for unge jenter som let seg inspirera, og vil ta skadeleg mykje solarium for å oppnå det same. Men likevel meiner eg det er storm i eit vatnglas. Eg er sjølv journalist, og forstår veldig godt at mediene "hoppar på" ei slik sak. Helse og frobrukarstoff er mykje lest, men eg trur ikkje alle informasjon medier bidrar med er like verdifullt ;)Personleg tenkjer eg at det er heilt urealistisk å få ein slik farge på kort tid og uten at huden blir skada, og det håpar eg andre tenker og. Unge jenter er nok lett påverkelege, men dei er ikkje stokk dumme! Dei fleste klarar vel å ta ansvar sjølv utan at media må skremma eller læra oss om skadelege ting.
Det tryggaste er nok å bruka self-tanner/brun-uten-sol-produkt, men faren då er at du ender opp med å sjå ut som eit oransje uvêr ;)
Eg meiner eit viktigare aspekt i denne saka med H&M og bikinibilde er faktumet at Fontana er for tynn. Når kjendisar som Tyra Banks og motemagasinet Vogue no tar standpunkt mot å bruka syltynne jenter i motekampanjar, er det synd at H&M, som lagar klede for folk flest, ikkje er meir "moderne" på den fronten.
Slankehysteri og "size zero"-idealet er mykje verre enn for brun hud spør du meg.
Kva synest du? Ser modellen til H&M usunn ut?
Det øvste bildet er Isabeli Fontana i H&M-versjon, det nedste er frå eit tidlegare modelloppdrag. Muuuulig H&M har gjort ho litt brunare, ja ;)
